Hafrannsóknastofnun ráðleggur að veiðar á grásleppu fiskveiðiárið 2023/2024 verði ekki meiri en 4.030 tonn. Er það tæplega 9% minna en ráðgjöfin fyrir 2023, en rúmlega 42% minna en 2022 og 55% minna en 2021 þegar mesta ráðlagði hámarksafli var lagður til á undanförnum áratug.

Athygli vekur að þetta er meira en grásleppubátunum tókst að afla á síðasta ári þegar aðeins var landað 4.008 tonnum.

Í tilkynningu á vef Hafrannsóknastofnunar segir að ráðgjöfin byggð „að mestu á stofnvísitölu úr stofnmælingu botnfiska í mars 2024 en einnig frá árinu á undan. Vísitölur þessara tveggja ára voru svipaðar og vel undir langtíma meðaltali og því lægri en mörg ár þar á undan.“

Sveiflur í stofnvísitölu grásleppu milli ára er sögð koma til að hluta vegna óvissu í mælingunum. „Vegna þessa vegur stofnvísitala sama árs 70% á móti 30% vægi vísitölu fyrra árs við útreikning ráðlagðs hámarksafla. Að teknu tilliti til þess leggur Hafrannsóknastofnun jafnframt til að upphafsaflamark fiskveiðiárið 2024/2025 verði 1.216 tonn,“ segir í tilkynningunni.

Tengdar fréttir

Grásleppuveiðar

Fjölguðu veiðidögum í annað sinn um 15

• Fjölga veiðidögum á grásleppu í 40
• Verð á grásleppu hækkar á ný
• Verðhrun á mörkuðum veldur áhyggjum
• Sigurður landaði fyrstu grásleppunni á Húsavík

» Fleiri tengdar fréttir

• Blogga um frétt