Frá því að grásleppuveiðar hófust 1. mars hafa verið seld 81 tonn af grásleppu á fiskmörkuðum landsins. Á sama tíma hefur meðalverð fallið úr 625,95 krónum á kíló á upphafsdegi veiða í 133,11 krónur í gær og er það tæplega 79% samdráttur.

Væntingar voru um þokkaleg verð á vertíðinni þar sem verð tóku að hækka mikið strax í febrúar og náði verð hámarki 21. febrúar þegar meðalverð nam 1.623,9 krónum á kíló. Sá fiskur sem þá var í sölu var þó meðafli annarra veiða, enda ekki heimilt að stunda beinar grásleppuveiðar.

Frétt af mbl.is

Grásleppuveiðum flýtt og hefjast á föstudag

Vert er að geta þess að í febrúar voru aðeins seld 28,3 tonn af grásleppu á fiskmörkuðum sem er aðeins þriðjungur þess magns sem rataði á markaðina á þessum 12 dögum sem beinar grásleppuveiðar hafa verið í gangi.

Áhyggjur hafa heyrst af stöðunni meðal grásleppumanna og hafa sumir haft uppi efasemdir um það hvort tilefni sé til að hefja veiðar. Ekki hafa þó allir sem hafa fengið grásleppuleyfi hafið veiðar og eru fleiri sem stefna á að bíða og sjá hvort markaðurinn taki við sér á komandi dögum.

Tengdar fréttir

Grásleppuveiðar

Fjölguðu veiðidögum í annað sinn um 15

• Fjölga veiðidögum á grásleppu í 40
• Ráðgjöf í grálseppu lækkar um 9% milli ára
• Verð á grásleppu hækkar á ný
• Sigurður landaði fyrstu grásleppunni á Húsavík

» Fleiri tengdar fréttir

• Blogga um frétt