Víkingur á leið til Vopnafjarðar með 2.600 tonn

Uppsjávarskipið Víkingur AK-100 er nú statt á miðunum suður af Færeyjum þar sem það hefur verið ásamt fjölda annarra íslenskra og erlendra skipa á kolmunnaveiðum.

Í morgun náði skipið að hífa um 500 tonnum og eru komin 2.600 tonn um borð. Skipið er nú á leið til Vopnafjarðar með farminn, en siglingin þangað eru um 360 mílur og er gert ráð fyrir að Víkingur leggi að bryggju á Vopnafirði aðfararnótt laugardags.

Íslensku uppsjávarskipin hafa samanlagt landað um 128 þúsund tonnum af kolmunna en eftir er 181 þúsund tonn af ónýttum heimildum. Aflinn hefur nýst vel að undanförnu í mjöl og lýsi loðnuleysinu.

Kolmunnaveiðin gengur vel suður af Færeyjum. mbl.is/Börkur Kjartansson

• Blogga um frétt