Skip í vandræðum skammt frá Reykjavíkurhöfn

Fiskiskipið Kristrún komst í hann krappan í dag, er drapst á vélinni og skipið tók að reka í átt að Reykjavíkurhöfn.

Þetta staðfestir Gísli Jó­hann Halls­son, yf­ir­hafn­sögumaður Faxa­flóa­hafna, í samtali við mbl.is. 

Hann segir hafnarstarfsmenn hafa sýnt skjót viðbrögð og stokkið til áður en illa fór, en á vélinni drapst skammt frá Reykjavíkurhöfn.

„Dráttarbátarnir okkar fylgdu því til hafnar,“ segir Gísli en kveðst þó ekki vita hvort tekist hafi að koma vélinni í gang á ný.

Aðspurður kveðst hann ekki vita hversu margir hafi verið um borð en allir hafi komist aftur til hafnar heilir á húfi. 

• Blogga um frétt