Feðgin slá í gegn með sinn eigin fréttatíma

Sumarlestur barnanna Borgarbókasafnið efnir til sumarlesturs-átaks fyrir börn á öllum …
Sumarlestur barnanna Borgarbókasafnið efnir til sumarlesturs-átaks fyrir börn á öllum aldri í sumar. Ljósmynd/Catherine Hammond

Sumarlestur Borgarbókasafnsins er lestrarhvetjandi verkefni fyrir börn og fjölskyldur þeirra þar sem markmiðið er að lesa sem flestar bækur í sumarfríinu. Eftir því sem krakkarnir koma oftar í heimsókn á Borgarbókasafnið eru meiri möguleikar á að hljóta vinning. Þegar þau næla sér í nýjar bækur skrifa börnin nafn og síma á veifu og setja í pottinn. Vikulega verður dregið út nafn eins lesanda, sem hlýtur vinning að launum. Að auki fær einn heppinn þátttakandi vegleg verðlaun í lok sumars. Öll grunnskólabörn geta tekið þátt í verkefninu.

Til að auglýsa verkefnið nánar greip Valgeir Gestsson deildarbókavörður á Borgarbókasafninu í Grófinni til þess ráðs að gera fréttainnslag og naut þar aðstoðar dóttur sinnar Bríetar til að leika fréttakonu. Bríet slær í gegn þar sem hún tekur viðtal við vinningshafa síðustu viku og þarna gæti verið framtíðarfréttakona að stíga sín fyrstu skref.

mbl.is