Sæðisbanki Stuðmanna

Stuðmenn.
Stuðmenn.

Tónleikar Stuðmanna í Royal Albert Hall í London fara fram í kvöld. Af því tilefni birtist spjall við Jakob Frímann Magnússon í Guardian í gær og fór hann þar á miklum kostum eins og vænta mátti.

Greinina skrifar Thomas H. Green og ber hún titillinn Sperm of the Studmenn.

Höfundur rekur tilurð tónleikanna og lýsir því hvernig athafnamaðurinn Jón Ásgeir Jóhannesson hafi rölt sér inn í Royal Albert Hall og bókað þar uppáhaldshljómsveitina sína, Stuðmenn. Þá hugdettu hafi hann fengið eftir að hafa séð Pavarotti syngja þar. Hann vitnar svo í Jakob sem segir: "Honum fannst sniðugra að fá blóðheita Íslendinga til að flytja eigin lög en að horfa á akfeitan Ítala syngja lög eftir dauð tónskáld."

Green segir svo stuttlega frá ferli Stuðmanna og nefnir að 2000 manns séu að koma frá Íslandi gagngert til að sækja tónleikana.

"Okkur langar til að spila í höfuðborgum heimsins," segir Jakob þá. "Og flytja með okkur áheyrendur í hundraða- og þúsunda tali."

Green lýsir tónlist Stuðmanna sem fjölbreyttri og galgopalegri og skýrir svo frá næsta verkefni sveitarinnar, sem er að sögn Jakobs sæðisbanki Stuðmanna.

"Þú getur keypt smávegis af honum Tomas bassaleikara," segir Jakob grafalvarlegur við blaðamanninn. "Hann er með stórar hendur, frábæra kímnigáfu og er hommi. Nú svo er það gítarleikarinn Thor, sem er ögn nærsýnn en afar ljóðrænn. Aðalsöngvarinn, Egil, er mikill testósterónbolti með loðna bringu, mikla sönghæfileika og er auk þess með skalla. Gegn aukaþóknun er hægt að fá blöndu allra þriggja og þá muntu eignast nærsýnan homma með skalla. Og það er ekki slæmt - sjáðu Elton John - honum hefur farnast ágætlega."

Greinarhöfundur klykkir út með því að segja að svona súrrealísk steypa sé dæmigerð fyrir Stuðmenn og líklegt sé að sveitin komi fram í fiskabúningum á tónleikunum.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 2.185 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

síðasta vika Vinsælustu hljóðbækurnar
1
Sólveig Pálsdóttir
4
Ragnheiður Gestsdóttir
5
Guðrún frá Lundi

Stjörnuspá »

Hrútur

Sign icon Ef einhver reynir að telja þér hughvarf í dag muntu verja afstöðu þína með kjafti og klóm. Kannski heldur þú að það þýði að þú hafir rangt fyrir þér, en bíddu bara og sjáðu.
síðasta vika Vinsælustu hljóðbækurnar
1
Sólveig Pálsdóttir
4
Ragnheiður Gestsdóttir
5
Guðrún frá Lundi

Stjörnuspá »

Hrútur

Sign icon Ef einhver reynir að telja þér hughvarf í dag muntu verja afstöðu þína með kjafti og klóm. Kannski heldur þú að það þýði að þú hafir rangt fyrir þér, en bíddu bara og sjáðu.