Hilton og Richie ekki lengur vinkonur

Hótelerfinginn og sjónvarpsstjarnan Paris Hilton hefur staðfest sögusagnir um að slitnað hafi upp úr vináttu hennar og Nicole Richie.

Tilkynnt var í síðustu viku að Komberly Stewart, dóttir söngvarans Rod Stewarts, myndi taka við af Richie í sjónvarpsþætti þeirra Simple Life og fóru þá af stað sögur um að það væri vegna þess að þær Hilton og Richie gætu ekki lengur unnið saman.

"Það er ekkert hernaðarleyndarmál að við Nicole erum ekki lengur vinkonur," segir í yfirlýsingu sem Hilton hefur sent frá sér. "Nicole veit hvað hún gerði og ég á aldrei eftir að segja neitt meira um það."