Brigitte Bardot ætlar ekki að kjósa í forsetakosningunum

Brigitte Bardot, fyrrverandi leikkona, lýsti því yfir í gær að hún styðji ekki neinn frambjóðanda í forsetakosningunum í Frakklandi á sunnudaginn og ætli ekki einu sinni að kjósa.

Í sömu yfirlýsingu neitaði hún að hafa nokkurn tíma stutt öfga-hægrimanninn og þjóðernissinnann Jean-Marie LePen. „Ég hef aldrei verið á neinum lista hjá Front National né stutt Hr. Le Pen" staðhæfði frú Bardot í yfirlýsingu þar sem hún lagði áherslu á að hún og samtök hennar haldi úti aðeins einni pólitík; dýravernd. Hún sé orðin hundleið á að lesa um stuðning sinn við Front National. Það skýrist þó kannski á því að eiginmaður hennar var helsti ráðgjafi Jean-Marie Le Pen. „ Ég kýs ekki 2007, því í þessari kosningabaráttu hefur enginn frambjóðandi svarað neinum spurningum ef þær hafa ekki hentað hagsmunum viðkomandi"

Kannski skýrist andstaða Brigitte Bardot við forsetaframbjóðendurna af því að þau Nicolas Sarkozy, Sègoléne Royal og Francois Bayrou, vildu ekki funda með henni, þrátt fyrir ítrekaðar óskir hennar.

• 1 blogg um fréttina

Bloggað um fréttina

• Þorsteinn Gunnarsson: Þetta minnir mann á Reunion í skóla