Britney flutt á sjúkrahús
Setja bókamerki
Bandaríska söngkonan Britney Spears var flutt á sjúkrahús í morgun en áður hafði lögregla verið kvödd á heimili hennar vegna „forræðisdeilu um börn hennar". Að sögn fréttavefjarins TMZ var söngkonan undir áhrifum óþekktra lyfja þegar lögreglan kom á staðinn.
Að sögn talsmanns lögreglu voru lögreglumenn enn á heimili söngkonunnar tveimur klukkustundum eftir að þeir komu þangað.
Ekki hafa verið gefnar frekari upplýsingar um málið en Spears á sem kunnugt er í forræðisdeilu við Kevin Federline fyrrum eiginmann sinn. TMZ segir, að Spears hafi neitað að skila sonum þeirra tveimur til Federlines í gærkvöldi og því hafi lögreglan verið kölluð til. Spears missti tímabundið forræðið yfir drengjunum í haust samkvæmt dómsúrskurði.
Fyrr um daginn mætti söngkonan fyrir rétt til að bera vitni, en aðeins í fjórtán mínútur þar sem réttarhöldin hófust ekki fyrr en tæpum tveimur klukkustundum eftir að áætlað var. Lögfræðingar Spears, sem sögðu af sér störfum fyrr í vikunni voru þar viðstaddir, en Spears mun ekki hafa ráðið nýja lögfræðinga enn.
Tveir í bílnum sem lenti utan vegar
Sex hafa greinst með listeríu
Eyjafjarðarbraut lokað vegna alvarlegs umferðarslyss
Handteknir eftir myndatöku í Vesturbæjarlaug
/frimg/1/48/74/1487454.jpg)
Heldur inn í nóttina tuttugu kílóum léttari
Banna mengandi búnað sem leyfður er á Íslandi
Gígbarmurinn hækkað frá því í gær
Kostnaður meiri en milljón á fermetra