Fregnir herma að Sharon Osbourne, eiginkona rokkarans Ozzy Osbourne, hafi hent honum öfugum út af heimili þeirra hjóna.
Talsmaður hjónanna játaði að söngvarinn dveldi um þessar mundir ekki á heimili sínu, en þvertók fyrir það að áfengis- og fíkniefnaneyslu Osbourne væri um að kenna.
Í raun virðist ástæðan frekar vera hjúskaparbrot söngvarans, en samkvæmt frétt Mirror hefur Sharon fengið sönnur á því að eiginmaðurinn hafi haldið við aðra konu.
„Sharon trylltist og sakaði Ozzy um framhjáhald. Hún sagði að hana hefði grunað þetta í nokkurn tíma, en nú hefur hún fengið sönnun,“ er haft eftir ónafngreindum heimildamanni.
Frétt mbl.is: Ozzy og Sharon að skilja?