Vilhjálmur Bretaprins og Katrín hertogaynja mættu til Óslóar í dag en þau eru í tveggja daga opinberri heimsókn í Noregi. Fyrir það höfðu þau verið í Svíþjóð í tvo daga. 

Hertogahjónin eru ekki vön miklum snjó frá Lundúnum en fengu heldur betur að upplifa alvörusnjó í dag. Eins og sjá má á myndum frá heimsókninni var mikill snjór í Ósló í dag. 

Krónprinsinn Hákon og eiginkona hans Mette-Marit krónprinsessa hafa fylgt þeim Katrínu og Vilhjálmi eftir en konungshjónin Haraldur og Sonja buðu í hádegismat eftir að þau lentu rétt eins og nágranni þeirra, Gústaf Svíakonungur, gerði í Stokkhólmi á þriðjudaginn.