Reyndi að kynna Watson fyrir samfélaginu

Smallville-leik­kon­an All­i­son Mack reyndi að kynna Emmu Watson fyrir mansalshring sem dulbúinn var sem sjálfshjálparhópur. Business Insider birti gamlar Twitter-færslur sem sýna að Mack reyndi að ná athygli Harry Potter-stjörnunnar. 

Frétt af mbl.is

Smallville-leikkona ákærð fyrir mansal

Mack kom fyr­ir dóm á dög­un­um vegna ákæru um aðkomu henn­ar að man­sals­hring sem var dul­bú­inn sem eins kon­ar sjálfs­hjálp­ar­hóp­ur. Var hún ákærð fyrir að hafa aðstoða leiðtoga hins svokallaða sjálfshjálparhóps við nýliðun í hópnum. Sam­fé­lagið, sem kall­ast Nx­i­vm, átti að vald­efla og styrkja þær kon­ur sem gengu í það. 

Mack reyndi að nálgast Watson þrisvar sinnum í byrjun árs 2016 í gegnum Twitter þar sem hún lýsir yfir áhuga sínum á að ræða við hana um kvennahreyfingu sem hún telur að Watson hafi áhuga á. Mack reyndi einnig að nálgast sönkonuna Kelly Clarkson en talaði ekki jafn skýrt um kvenahreyfinguna líkt og þegar hún reyndi að hafa samband við Watson. 

• Blogga um frétt