Khloé og Tristan fá sér McDonalds

Raunveruleikaþáttastjarnan Khloé Kardashian og körfuknattleiksmaðurinn Tristan Thompson sáust í fyrsta skipti opinberlega saman síðan dóttir þeirra fæddist í apríl. Ljósmyndarar náðu myndum af parinu í bílalúgu McDonalds í Woodland Hills í Los Angeles í gær.

Khloé flaug heim til Los Angeles með True á sunnudaginn og að hætti Kardashian fjölskyldunnar var haldin veisla. Fjölskyldan birti myndir af veislunni á samfélagsmiðlum en þetta var í fyrsta skipti sem True kom til Los Angeles. Athygli vakti að fögnuðurinn var aðeins til heiðurs Khloé og True og var Tristan ekki sjáanlegur. 

Hann virðist þó hafa verið á staðnum, en Khloé óskaði honum til hamingju með feðradaginn á mynd þar sem sást í hendur hans. 

Síðustu mánuðir hafa verið erfiðir fyrir parið en stuttu fyrir fæðingu dóttur þeirra,TrueThompson, birtust myndir af framhjáhaldi Tristan. Um tíma leit út fyrir að leiðir þeirra myndu skilja, en nú virðast þauhafa náð að greiða úr flækjunum. Khloé hefur dvalið í Cleveland hjá Tristan síðan True fæddist.

Frétt af mbl.is

Óviss um framtíð með barnsföður sínum

Frétt af mbl.is

Kærastinn sakaður um að halda fram hjá

• Blogga um frétt