Nicole Kidman sagði í viðtali sem birtist í síðustu viku að það hefði veitt henni vernd frá kynferðislegri áreitni að hafa verið gift leikaranum Tom Cruise. Leikkonan sem tjáir sig sjaldan um tímann með Cruise útskýrði mál sitt betur í sjónvarpsþættinum Today í gær, mánudag.
„Af því ég var gift 23 ára fór ég ekki í mikið af veislum og ég fór ekki mikið út. Ég var frekar mikið heima. Ég eignaðist mitt fyrsta barn 25 ára og ég var gift, ég átti fjölskyldu,“ segir Kidman og segist annaðhvort hafa verið að vinna eða verið heima þegar hún var með Tom Cruise.
Kidman sagði að hún vildi ekki ræða fyrrverandi maka þar sem hún er hamingjusamlega gift og á tvö börn. Hún segir það líka vera ókurteisi gagnvart Tom Cruise að ræða þennan tíma sem og gagnvart núverandi maka hennar, Keith Urban.