14 ára sagt að haga sér eftir aldri

Stranger Things-leikkonan Millie Bobby Brown fékk að heyra það frá nettröllum eftir að hún birti mynd af sér í þröngum snákaskinnskjól og á hælaskóm á Instagram um helgina. Brown sem er einungis 14 ára var meðal annars sagt að haga sér eftir aldri. 

„Þegar þú kemst á kynþroskaskeiðið og heldur að þú sért 25 ára,“ og „Þú ert svona 12 hvar í andskotanum er móðir þín,“ mátti sjá skrifað í athugasemdum við mynd leikkonunnar ungu eins og fram kemur á vef Yahoo Lifestyle. 

Fjölmargir fylgjendur Brown komu henni þó til varnar og sögðu ekkert vera að klæðaburðinum. 

Leikkona unga er kannski ekki á sama stað og flestir jafnaldrar hennar og tjáði sig um gagnrýnina. Hafði hún orð á því á Instagram að við byggjum í frábærum heimi ef fólk dreifði ást jafnhratt og það deilir hatri og neikvæðni. 

• Blogga um frétt