Orlando Bloom og Katy Perry trúlofuðu sig í síðustu viku en eru þó ekki búin að greina frá neinu varðandi brúðkaup. Heimildarmaður People segir turtildúfurnar ætla að byrja á því að halda stóra trúlofunarveislu fyrir vini sína.
Trúlofunin var þó engin skyndiákvörðun og segir heimildarmaðurinn að Bloom hafi verið að skipuleggja bónorðið lengi og vildi að það yrði sérstakt.
Leikarinn er sagður hafa beðið foreldra Perry um hönd hennar. „Fjölskylda Katy vissi að hann væri að biðja hennar. Hann ræddi það við foreldra hennar áður.“
„Katy var mjög hissa og titraði af hamingju,“ sagði heimildarmaðurinn um tónlistarkonuna sem hafði enga hugmynd um að kærastinn ætlaði á skeljarnar.