Crossfit-kappinn Hinrik Ingi Óskarsson gagnrýnir Crossfit-sambandið í nýrri færslu sinni á Instagram harðlega. Hinrik Ingi féll á lyfjaprófi á vegum sambandsins í byrjun maí síðastliðinn eftir að hann vann sér inn keppnisrétt á Heimsleikunum í Crossfit 2019. 

Hinrik Ingi lenti í 2. sæti á Reykjavík Crossfit Championship-mótinu á eftir Björvini Karli Guðmundssyni sem hafði þá þegar öðlast keppnisrétt á Heimsleikunum. Í kjölfar lyfjaprófsins var Hinrik sviptur keppnisrétti og dæmdur í 4 ára keppnisbann. Hann áfrýjaði niðurstöðunni en hafði ekki erindi sem erfiði.

Frétt af mbl.is

Hinrik Ingi í fjögurra ára bann

Hinrik segir í færslunni að hann hafi aldrei notað ólögleg efni en í lyfjaprófi hans í maí mældust tvö ólögleg efni. Hann segir það einnig ósatt að hann hafi fallið á lyfjaprófi áður. Hinrik var dæmdur í tveggja ára keppnisbann eftir að hann neitaði að gangast undir lyfjapróf á Íslandsmeistaramótinu í crossfit árið 2016 og var einnig sviptur titli sínum. 

„Sannleikurinn er sá að vegna persónulegs ágreinings á milli mín og eigenda íslenskra crossfitstöðva leyfðu þeir mér ekki að æfa þar. Svo allar staðhæfingar um að ég hafi fallið á lyfjaprófi í annað sinn eru einfaldlega rangar,“ skrifar Hinrik. 

Hinrik bendir á að alþjóðlega Crossfit-sambandið sé einkarekið og arðsemi sé þeirra megin markmið. „Þau geta í raun ákveðið hvernig þau vilja spila þennan leik og hverja þau vilja sjá keppa á Heimsleikunum. Alvarlegar spurningar vakna til dæmis í kringum lyfjaprófanir þeirra og þá staðreynd að þau ráða hvað þau gera við þau próf sem þau framkvæma,“

Hann lýkur færslunni, sem er í tveimur hlutum, á jákvæðari nótunum og segir að þetta sé ekki í síðasta skipti sem að nafn hans heyrist í Crossfit-heiminum. 

Tengdar fréttir

Crossfit

Katrín Tanja brast í grát (myndskeið)

• Katrín Tanja á heimsleikana
• Breki keppir á heimsleikunum
• Sólveig og Halldór eru nýtt par
• Klaufaleg mistök í Madríd

» Fleiri tengdar fréttir

• Blogga um frétt