Kúltúr klukkan 13 hjá Menningarhúsunum í Kópavogi hófst með pompi og prakt síðastliðinn mánudag með tónleikum í Salnum og verður sá næsti klukkan 13 í dag, 25. mars, þegar Halla Oddný Magnúsdóttir og Einar Falur Ingólfsson ljósmyndari labba um sýninguna Afrit í Gerðarsafni og spjalla um það sem þar er að finna. Landsmönnum gefst því tækifæri til að fá leiðsögn um sýningu Gerðarsafns heima í stofu.

Halla Oddný Magnúsdóttir og Einar Falur Ingólfsson. Ljósmynd/Aðsend

Á mánudaginn var Eagles tónleikum með þeim Jógvani, Matta Matt og Vigni Snæ streymt til landsmanna á heimasíðu og facebooksíðu Stundarinnar og eru viðbrögðin við þessari nýjung Menningarhúsanna í Kópavogi hreint út sagt ótrúleg en allt í allt hafa 26.000 manns horft á streymið.

Þar sem Menningarhúsin í Kópavogi eru öll lokuð fyrir gestum og öllum viðburðum verið frestað þá var ákveðið að finna nýja leið til að færa Kópavogsbúum og allri þjóðinni ólíka menningarviðburði heim í stofu. Kúltúr klukkan 13 verður alla mánudaga, miðvikudaga og föstudaga og eru nú þegar 24 lista- og fræðifólk búið að staðfesta þátttöku sína í þessu skemmtilega verkefni.

Tengdar fréttir

Stöndum saman

Þetta gerir Þórólfur þegar útlitið er svart: „Búin að vera þung vika“

• Nettó veitir 44 milljónir króna til góðgerðarmála
• Partíréttirnir sem Siggi Gunnars mælir með fyrir kvöldið!
• „Kirkjan er opin og kemur til þín“
• 400 krakka hópdans í morgunsólinni

» Fleiri tengdar fréttir

• Blogga um frétt