Ástralska leikkonan Elizabeth Debicki mun fara með hlutverk Díönu prinsessu í síðustu tveimur seríunum af þáttunum The Crown. Debicki mun taka við af leikkkonunni Emma Corrin sem fer með hlutverk Díönu í fjórðu seríu.
Fimmta og sjötta sería mun fjalla um árið 1990 og fram til aldamótanna 2000.
Áður hefur verið tilkynnt um að leikarinn Jonathan Pryce og leikkonan Imelda Staunton munu fara með hlutverk Elísabetar Englandsdrottningar og Filippusar prins í 5. og 6. seríu.
„Það er mér mikill heiður að fá að ganga til liðs við þessa þáttaröð sem ég hef verið háð frá fyrsta þætti,“ sagði Debicki.
Debicki er 29 ára gömul og hefur farið með hlutverk í kvikmyndunum The Great Gatsby og Guardians og the Galaxy Vol 2.