Íslandsvinurinn og leikarinn Gerard Butler og kærasta hans Morgan Brown eru hætt saman. Parið var sundur og saman í tæp sjö ár. Þetta er langt því frá fyrsta skipti sem parið hættir saman.
Brown, sem er hönnuður og í fasteignabransanum, sást fyrst með Butler á strönd í Kaliforníu í september árið 2014. Þau sáust saman í verslunarleiðangri í júlí á þessu ári að því er fram kemur á vef People.
Parið var sundur og saman og hætti til að mynda saman árið 2016. Þau voru þó byrjuð aftur saman í júlí 2017. Í október 2017 sagðist Butler vera einhleypur. Ekki er vitað hvenær þau byrjuðu saman aftur en þau sáust aftur saman árið 2019. Butler fagnaði nýju ári árið 2019 á Íslandi eins og Smartland greindi frá.
Nú er bara að sjá hvort parið byrjar saman aftur. Heimildarmaður Us Weekly segir Butler og Brown höndla sambandsslitin vel.