Þegar lífið er hvað erfiðast segir Sandra Björg Helgadóttir að svarið geti falist í því að reyna að hugsa eins jákvætt og hægt sé. Hún sé ekki að tala um að loka á erfiðu tilfinningarnar frekar að leyfa þeim ekki að ná stjórn sem geti leitt af sér langa lægð.
Sandra Björg er fjölhæfur þjálfari og jógakennari en hún rekur æfinga prógramið: „Absolute Training“. Í því er áhersla bæði lögð á líkamlega og andlega þjálfun. Sandra er gestur Dóru Júlíu í Dagmálsþætti dagsins en hún leggur mikið upp úr andlegri þjálfun og að læra inn á sjálfan sig.
Í myndskeiðinu ræðir Sandra Björg um hvernig hún tekst á við erfiðleika í lífinu en þátturinn í heild sinni er aðgengilegur áskrifendum Morgunblaðsins hér. Einnig er hægt að sjá hann og aðra Dagmálsþætti með vikupassa.