Fótboltamaðurinn Romeo Beckham, sonur stjörnuhjónanna Victoriu og Davids Beckhams, og fyrirsætan Mia Regan eru tekin aftur saman.
Þau slitu sambandi sínu í september síðastliðnum eftir þriggja ára samband, en nú virðist neistinn á milli þeirra hafa kviknað á ný.
Romeo og Mia sáust saman um helgina þar sem þau fögnuðu tvítugsafmæli fyrirsætunnar, en Romeo staðfesti samband þeirra á sunnudaginn við vef Daily Mail.
Parið fagnaði afmælisdeginum í góðra vina hópi, en Romeo deildi nokkrum gömlum myndum af kærustu sinni á Instagram í tilefni dagsins.
Talið er að fjarsamband Romeos og Miu hafi tekið mikinn toll af þeim og að lokum orðið þess valdandi að þau ákváðu að fara hvort í sína áttina. Romeo eyddi miklum tíma í Bandaríkjunum þar sem hann spilar fótbolta með Inter Miami II en Mia var búsett í Lundúnum.