John Lydon, betur þekktur sem Johnny Rotten, tekur þátt í undankeppni Eurovision á Írlandi sem verður haldin 3. febrúar.

Lyon keppir undir merkjum hljómsveitar sinnar Public Image Ltd sem var stofnuð árið 1978 eftir að pönksveitin Sex Pistols lagði upp laupana.

Lagið sem hann sendi í keppnina er ballaðan Hawaii, sem er tileinkuð þýskri eiginkonu hans, Nora Forster, sem hann kvæntist árið 1979. Hún er 14 árum eldri en hann og glímir við alzheimer-sjúkdóminn, að því er The Irish Times greindi frá.

„Það er tileinkað öllum sem eru að ganga í gegnum erfiða tíma í lífinu með manneskjunni sem er þeim kærust,“ sagði Lydon um lagið. „Það felur einnig í sér skilaboð um von sem snúast um að ástin sigrar allt á endanum.“

Lydon tengist Írlandi sterkum böndum því foreldrar hans, John Christopher og Eileen Lydia, voru bæði írsk.

Sigurvegarinn í írsku undankeppninni tekur þátt í lokakeppni Eurovison í ensku borginni Liverpool í maí.

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt