Fyrrverandi klámmyndaleikkonan Jenna Jameson og eiginkona hennar, Jessi Lawless, giftu sig hinn 23. maí síðastliðinn í Las Vegas. Árið 2004 sagði Jameson frá því opinberlega að hún væri tvíkynhneigð, en hún segist einungis hafa verið með karlmönnum til að eignast börn. 

Jameson og Lawless kynntust í gegnum TikTok á síðasta ári en byrjuðu ekki saman fyrr en í janúar síðastliðnum.

„Ég fann manneskjuna sem ég hefði eiginlega alltaf átt að vera með. Ég reyni að fara yfir það í huganum hvers vegna ég hafi nokkurn tímann verið í sambandi eða hjónabandi með karlmönnum, og það er sjálfselskt og slæmt að segja það, en ég held að drifkrafturinn hafi verið að eignast börn,“ sagði Jameson í samtali við People.

Jameson á þrjú börn úr fyrri samböndum, en hún á 14 ára tvíbura með Tito Ortiz og 6 ára dóttur með Lior Bitton. Þetta er í þriðja sinn sem Jameson gengur í það heilaga, en hún var áður gift Brad Armstrong frá 1996 til 2001 og Jay Grdina frá 2003 til 2007.

Tengdar fréttir

Ást

Neistinn slokknaður eftir þriggja mánaða hjónaband

• Trúlofaður ungu kærustunni í miðju skilnaðarferli
• Þetta eru vinsælustu Love Island-stjörnurnar
• Árbæjarsafn fagnar kváradegi
• Hvaða Love is Blind-pör eru enn saman?

» Fleiri tengdar fréttir

• Blogga um frétt