Palestínski tónlistarmaðurinn Bashar Murad frumsýndi tónlistarmyndbandið við lagið „Wild West“ fyrr í dag. Lagið er framlag Bashar í Söngvakeppni sjónvarpsins og er hann einn þeirra sem keppir til úrslita á laugardag. 

Frétt af mbl.is

Hera Björk, Bashar og Sigga Ózk komust áfram

Tónlistarmaðurinn sendi frá sér stutta yfirlýsingu um lagið, tónlistarmyndbandið og von sína um að sigra Eurovision fyrir Íslands hönd. 

„Wild West fjallar um þrána til að komast í burtu og upplifa allt það sem heimurinn hefur upp á að bjóða. Lagið fjallar um ferðalag mitt frá Palestínu til Íslands sem byrjaði á lítilli hugmynd en varð að veruleika þökk sér samstarfi við íslensku fjölskylduna mína,“ sagði Bashar. 

„Þegar ég var að alast upp þá hefði það haft heilmikla þýðingu fyrir mig að sjá Palestínumann standa á sviði Eurovision, en við höfum ekki fengið tækifæri til að sýna menningu okkar, fegurð, sögu og samfélag. Ég er því þakklátur Íslandi sem er að gefa mér það tækifæri núna og vonast ég til að koma með Eurovision til Reykjavíkur árið 2025.“

Frétt af mbl.is

Ísraeli hvetur landsmenn til að kjósa Heru Björk