Ísraelsk stjórnvöld hafa tilkynnt að þau muni endurskoða texta framlags síns, Ocotber Rain, í Eurovision-keppninni sem skírskotar til fórnarlamba árásar Hamas þann 7. október sem hratt af stað stríðsátökum á Gasaströndinni.

Stjórnendur Eurovision hafa varað við því að framlaginu verði hafnað í núverandi mynd þar sem reglur keppninnar leggja bann við pólitískum skilaboðum.

„Þau voru góð börn“

Ísraelska ríkissjónvarpið Kan lýsti því yfir í dag að Isaac Herzog, forseti Ísraels, hafi kallað eftir „nauðsynlegum breytingum“ á texta lagsins, til þess að Ísrael geti tekið þátt í keppninni. Ísrael hefur unnið Eurovision fjórum sinnum.

Framlag Ísraels er flutt af Eden Colan, sem er hálfur Ísraeli og hálfur Rússi, og verður það frumflutt þann 10. mars næstkomandi. Í laginu October Rain hefur setningin „þau voru góð börn, hvert og eitt þeirra“ hlotið gagnrýni. Lagið endar á orðunum:

„Ég missi andann, get engu lofti andað að mér. Ég á mér engan stað,“ en texti lagsins er birtur í heild á heimasíðu ísraelska ríkissjónvarpsins.

Frétt af k100.is

Lagi Ísraels vísað úr Eurovision?