Ástralska leikkonan Rebel Wilson hefur nú bæst í hóp þeirra Hollywood-stjarna sem senda frá sér endurminningar sínar. Í bókinni, titluð Rebel Rising, fjallar Wilson um líf sitt í Hollywood, gefur innsýn í heim fræga fólksins og nafngreinir einnig stórstjörnur sem hún segir hafa komið illa fram við sig, sérstaklega í upphafi ferils síns.

Wilson, sem er einna þekktust fyrir hlutverk sitt í Pitch Perfect og Bridesmaids, greindi frá því á samfélagsmiðlum nýverið að leikarinn Sacha Baron Cohen, sem hún lék samhliða í kvikmyndinni The Brothers Grimsby frá árinu 2016, væri á fullu að reyna að koma í veg fyrir útgáfu bókarinnar. Leikkonan fjallar ítarlega um samskipti sín við Cohen og lýsir honum sem algjörum hálfvita og óþokka.

Cohen sendi frá sér yfirlýsingu á mánudag þar sem hann sagði fullyrðingar Wilson vera tilhæfulausar og órökstuddar með öllu. Hann er sagður íhuga lögsókn.

Rebel Rising kemur í verslanir í byrjun apríl.

Skjáskot/Instagram Story