Ástralska leikkonan Nicole Kidman kom aðdáendum sínum heldur betur á óvart í gær þegar hún frumsýndi nýjan háralit og klippingu. Leikkonan, sem er þekkt fyrir síða rauða lokka, lét hárið fjúka og skartar nú axlarsíðu ljósu hári. 

Kidman, 56 ára, birti myndir á Instagram-síðu sinni og fékk mikið lof frá fylgjendum sínum. 

Hárgreiðslumaðurinn Adir Abergel sá um að umbreyta hári Kidman, en hann vinnur reglulega með einhverjum af heitustu stjörnum skemmtanaiðnaðarins. 

Óskarsverðlaunaleikkonan, sem er sendiherra fyrir tískuhúsið Balenciaga, er stödd í Þýskalandi við tökur á nýrri auglýsingaherferð fyrir spænska tískuhúsið.