Leikarinn Joe Alwyn er sagður vera kominn yfir tónlistarkonuna Taylor Swift. Parið hætti saman fyrir ári síðan eftir sex ára langt samband. 

„Hann fer á stefnumót og er hamingjusamur,“ sagði heimildarmaður People. „Hann er frábær maður og er engan veginn fyrir drama.“

Alwyn er sagður hafa haldið áfram með lífið og er ekki með hugann við eina frægustu tónlistarkonu í heimi. „Hann talar alls ekki illa um hana,“ sagði heimildarmaðurinn. „Hann var ástfanginn af henni og það bara gekk ekki.“

Alwyn er frægur leikari en er lítið fyrir sviðsljósið. „Joe elskar að leika en þolir ekki athyglina sem fylgir því. Honum líður ekki vel í sviðsljósinu.“

Taylor Swift á tónleikum í febrúar 2024. AFP/DAVID GRAY