Ætla að hefja hvalveiðar í vísindaskyni

Andstæðingar hvalveiða hafa komið saman í Panama til að mótmæla ...
Andstæðingar hvalveiða hafa komið saman í Panama til að mótmæla hvalveiðum. AFP

Suðurkóresk stjórnvöld íhuga að hefja hvalveiðar í vísindaskyni. Þetta kom fram á fundi Alþjóðahvalveiðiráðsins sem fram fer í Panama. Fulltrúar S-Kóreu sögðust ætla að leggja fram áætlun að hvalveiðum en óska ekki eftir samþykki annarra ríkja.

Fulltrúar frá Ástralíu, Nýja-Sjálandi og öðrum ríkjum sem eru á móti hvalveiðum gagnrýna ákvörðun S-Kóreumanna harðlega.

Park Jeaong-Seok, fulltrúi S-Kóreu á fundinum, segir að áætlunin verði lögð fram í anda trausts, gegnsæis og í góðri trú. „Okkur er hins vegar ekki skylt að greina ykkur frá þessu fyrirfram,“ bætti hann við.

Þá segir hann að S-Kórea geti ekki samþykkt það sjónarmið að hvorki eigi að veiða né drepa hvali.

„Þetta er ekki vettvangur siðferðilegrar umræðu, heldur er þetta vettvangur lagalegrar umræðu,“ sagði Park, spurður út í þá gagnrýni sem beinist að ákvörðun stjórnvalda í S-Kóreu. „Þess konar siðferðispredikanir skipta hvorki máli né eru viðeigandi á þessum vettvangi,“ segir hann.

Ekki liggur fyrir hversu marga hvali S-Kóreumenn ætli sér að veiða. Ekki heldur hvar eða hvenær þessar veiðar í vísindaskyni eiga að fara fram. 

Hins vegar er talið að þeir muni veiða hrefnur í Japanshafi.

mbl.is

Bloggað um fréttina

Gagnvirkir UHD skjáir ( 4k )
Upplýsingar gefur Ólafur hjá Varmás ehf. sími 566 8144...
HARMÓNIKUHURÐIR SPARA MIKIÐ PLÁSS
Smíðum eftir máli, oft afgreiddar samdægurs, verð frá kr. 13.900,- Sími 615 175...
Til sölu byggingarkrani
Byggingarkrani Liebherr 112 EC-H árg. 1992, með skoðun og í notkun. Áhugasamir h...
Sultukrukkur,minibarflöskur ...
Til sölu...Ca 100 gler krukkur.til sölu. Frekar litlar. Einnig ca 200 smáflösku...