Máli Strauss-Kahn að ljúka
Setja bókamerki
/frimg/1/7/15/1071542.jpg)
Lögmenn Dominique Strauss-Kahn, fyrrverandi framkvæmdastjóra Alþjóðagjaldeyrissjóðsins, munu mæta fyrir rétt í dag þar sem væntanlega verður gengið frá samkomulagi við þernuna Nafissatou Diallo, sem sakaði hann um kynferðislega árás.
Málið verður tekið fyrir í Bronx síðar í dag en Diallo höfðaði einkamál gegn Strauss-Kahn eftir að hætt var við að opinbert mál gegn honum af hálfu saksóknara í New York.
Diallo ætlar sjálf að mæta í réttarsalinn en ekki er búist við því að Strauss-Kahn geri slíkt hið sama. Ef gengið verður frá samkomulagi um að Strauss-Kahn greiði Diallo bætur er ljóst að hann verður laus allra mála varðandi meinta árás á hóteli í New York í maí 2011. Málið vakti gríðarlega athygli á sínum tíma og varð Strauss-Kahn að segja af sér hjá AGS í kjölfarið og forsetadraumar hans urðu að engu í Frakklandi.
Í síðustu viku greindi Le Monde frá því að Diallo fengi greiddar 6 milljónir Bandaríkjadala, 760 milljónir króna frá Strauss-Kahn.
Telur forsendur fyrir vaxtalækkun
Kostnaður meiri en milljón á fermetra
„Það þarf að vinna mikinn fjölda upp“
Skar höfuðleðrið af íslenskri konu
„Höfum ekki náð að skríða upp úr þeirri gryfju“