Trump fékk „lítið lán“ hjá pabba
Setja bókamerki
Donald Trump segir að leiðin á toppinn í viðskiptaheiminum hafi ekki verið einföld. Hann hafi m.a. þurft að reiða sig á „lítið lán“ frá föður sínum í upphafi, lán upp á „litlar“ 120 milljónir króna, eina milljón Bandaríkjadala.
„Ég barðist í gegnum lífið,“ sagði forsetaframbjóðandinn Trump á fundi í gær. „Þetta hefur ekki verið létt fyrir mig. Og veistu, ég byrjaði í Brooklyn, faðir minn lét mig fá lítið lán upp á eina milljón dollara.“
Trump var spurður frekar út í lánið og viðurkenndi að það hljómaði sem einföld lausn að fá lán hjá pabba sínum en bætti við: „Ein milljón dala er ekki mikið í samanburði við það sem ég hef byggt upp.“
Faðir hans var í fasteignaviðskiptum á sínum tíma. Trump hóf feril sinn í sama geira. Hann er að flestum talinn duglegur viðskiptamaður en því má ekki gleyma, segir í frétt CNN um málið, að hann fæddist inn í auðuga fjölskyldu og erfði svo hluta af viðskiptaveldi föður síns.
/frimg/1/48/74/1487454.jpg)
Heldur inn í nóttina tuttugu kílóum léttari
Banna mengandi búnað sem leyfður er á Íslandi
Krefjast stöðvunar framkvæmda
Breytingar á skipulagi fréttadeildar RÚV
Kostnaður meiri en milljón á fermetra
Bergnuminn í Hvalfirði