Sósíalistar útiloka samstarf með Rajoy

Pedro Sanchez, leiðtogi spænskra sósíalista.
Pedro Sanchez, leiðtogi spænskra sósíalista. AFP

Leiðtogi spænskra sósíalista sagði í morgun að flokkur hans myndi greiða atkvæði gegn ríkisstjórn undir forystu Lýðflokksins. Ekkert útlit er því fyrir að þráteflið í spænskum stjórnmálum verði leyst í bráð.

Lýðflokkurinn fór með sigur af hólmi í þingkosningunum í síðasta mánuði, en náði þó ekki meirihluta þingsæta. Mariano Rajoy, forsætisráðherra Spánar, beið því það erfiða verk að sannfæra leiðtoga annarra stjórnmálaflokka um að mynda starfhæfa ríkisstjórn með sér eða í það minnsta að verja ríkisstjórn síns eigin flokks falli.

„Við munum greiða atkvæði gegn því að Rajoy verði forsætisráðherra,“ sagði Pedro Sanchez, leiðtogi sósíalista, eftir um níutíu mínútna fund með Rajoy, sem er starfandi forsætisráðherra landsins, í morgun, að því er fram kemur í frétt Reuters.

Sanchez útilokaði einnig að mynduð yrði ríkisstjórn margra flokka, eins konar samsteypustjórn bæði vinstri og hægri flokka, eins og þekkist í sumum Evrópuríkjum. Hann bætti þó við að hann myndi gera hvað sem er til þess að koma í veg fyrir að boðað yrði til þriðju þingkosninganna á einu ári.

Kosið var í desember á síðasta ári og aftur í lok júnímánaðar. Illa hefur gengið að mynda nýja ríkisstjórn. Lýðflokkur Rajoys bætti við sig fimmtán þingmönnunum í kosningunum í síðasta mánuði. Sósíalistar hlutu næstflest þingsæti en töpuðu fylgi, líkt og aðrir flokkar.

Sósíalistar hafa margoft sagst ekki geta myndað ríkisstjórn með Lýðflokknum. Margir stjórnmálaskýrendur telja þó að þeim sé það nú nauðugur einn kostur. Ekki komi til greina að boða til kosninga í þriðja sinn.

Nýju flokk­arn­ir Podemos og Ciu­da­danos hlutu 71 og 32 þing­sæti í kosningunum.

Mariano Rajoy, starfandi forsætisráðherra Spánar.
Mariano Rajoy, starfandi forsætisráðherra Spánar. AFP
mbl.is
Sumarhús- Gestahús - Breytingar
Sumarhús - Gestahús - Breytingar ? Framleiðum stórglæsileg sumarhús í ýmsum stær...
STIGAR OG HANDRIÐ ALLAR MÖGULEGAR GERÐIR
Fleiri myndir af stiganum á meðfylgjandi mynd eru í möppu 110 á Fésinu okkar, (...
KERRUR _ KERRUR _ KERRUR
Þessar sterku Þýsku frá ANSSEMS & HULCO, til afgreiðslu strax, sjá myndir m.a. í...
Byggingaverktakar - Byggingastjórn - Meistarar - Eignaskiptayfirlýsingar
Byggingaverktakr - Byggingastjórn - Húsasmíðameistari - Eignaskiptayfirlýsingar ...