Stjórnvöld í Frakklandi hafa kallað eftir því að José Manuel Barroso, fyrrverandi forseti framkvæmdastjórnar Evrópusambandsins, hverfi frá þeirri ákvörðun sinni að ráðleggja bankarisanum Goldman Sachs í kjölfar úrsagnar Breta úr ESB.

„Herra Barroso hefur aðstoðað and-Evrópusinna. Ég biðla til hans í einlægni um að gefa starfið frá sér,“ sagði Evrópumálaráðherra Frakklands, Harlem Desir, á franska þinginu í dag.

Stjórnendur Goldman Sachs réðu Barroso til starfa sem ráðgjafa vegna þjóðaratkvæðagreiðslu Breta 23. júní sl., þar sem breska þjóðin ákvað að ganga úr Evrópusambandinu.

Ráðningin hefur verið gagnrýnd af Evrópusinnuðum stjórnmálamönnum en Barroso gegndi embætti forseta framkvæmdastjórnar ESB á árunum 2004–2014.

Ákvörðun Barroso um að starfa fyrir bankana gengur ekki í berhögg við reglur framkvæmdastjórnarinnar, en þær kveða á um að forsetinn sé ábyrgur gagnvart framkvæmdastjórninni í 18 mánuði eftir að hann lætur af embætti.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• Blogga um frétt