Grunaður um hryðjuverk í New York
Setja bókamerki
Maður sem bandaríska alríkislögreglan leitar í tengslum við sprengjutilræðið í New York á laugardagskvöldið heitir Ahmad Khan Rahami og er 28 ára Bandaríkjamaður ættaður frá Afganistan.
Talsmaður lögreglunnar í New York segir að Rahami sé leitað í tengslum við sprengjutilræðið í Chelsea-hverfinu á laugardagskvöldið. 29 særðust þegar sprengja sprakk við ruslagám á 23. stræti.
Rahami, sem býr í New Jersey og er með bandarískan ríkisborgararétt, er talinn vopnaður og hættulegur, að sögn Bill de Blasio, borgarstjóra í New York.
„Við vitum mun meira núna en við vissum fyrir aðeins sólarhring síðan,“ segir Blasio sem var gestur í þættinum Good Morning America á ABC sjónvarpsstöðinni í morgun. Hann segir að allt bendi til þess að um afmarkaða hryðjuverkaárás hafi verið að ræða.
Í tilkynningu frá lögreglu kemur fram að lögregla vilji ræða við hann í tengslum við sprengjutilræðið.
Sex hafa greinst með listeríu
Væri að ljúga ef ég segðist ekki stressaður
Banna mengandi búnað sem leyfður er á Íslandi
Hvorki sést áður hér á landi né annars staðar
„Höfum ekki náð að skríða upp úr þeirri gryfju“
Tveir í bílnum sem lenti utan vegar
Kaldasti veturinn kom að óvörum