Ökumaðurinn ákærður fyrir morð

Loftmynd frá vettvangi í gær.
Loftmynd frá vettvangi í gær. AFP

Rich­ard Rojas, maður­inn sem ók inn í hóp gang­andi veg­far­enda við Times Square í gær með þeim af­leiðing­um að einn lést og 22 særðust, hefur verið ákærður fyrir morð og 20 tilraunir til manndráps.

Atvikið í New York í gær vakti óhug en hryðjuverk hafa verið framin í London, Berlín, Nice og Stokkhólmi á síðastliðnu ári þar sem bifreið er ekið inn í hóp fólks. Yfirvöld telja ljóst að atvikið í gær hafi ekki verið af þeim toga.

18 ára kona lést og 22 slösuðust. Ein hinna slösuðu er 13 ára systir þeirrar sem lést en hún er í lífshættu á spítala.

„Það sem við vitum núna rennir stoðum undir það að ekki hafi verið um hryðjuverk að ræða,“ sagði Bill de Blasio, borgarstjóri New York, í útvarpsviðtali í dag.

Rojas hafði glímt við andleg veikindi síðan hann var barn. Borgarstjórinn bendir á að hann hafi ekki fengið viðeigandi meðferð við veikindum sínum svo árum skipti.

Talið er að Rojas hafi verið í maríjú­ana­vímu er hann ók á fólkið. „Við erum ekki komin með niðurstöðu hvort einhver efni í líkama hans hafi haft neikvæð áhrif á hegðunina,“ sagði borgarstjórinn.

De Blasio bætti við að yfirvöld myndu skoða gaumgæfilega hvort þau þyrftu að bæta öryggisgæslu til að koma í veg fyrir svipuð atvik.

Skömmu fyrir hádegi að staðartíma í gær keyrði Rojas bíl sínum upp á gangstétt á fullri ferð þar sem hann keyrði á gangandi vegfarendur. Rojas var handtekinn fyrir ölvunarakstur árið 2008 og 2015 og var fyrr í þess­um mánuði hand­tek­inn fyr­ir að ógna manni með hnífi.

„Þið hefðuð átt að skjóta mig! Ég vildi drepa þau,“ á Rojas að hafa sagt við lögreglu þegar hann var handtekinn á vettvangi í gær. Hann bætti því við að hann hefði heyrt raddir.

mbl.is
Viðeyjarbiblía 1841 til sölu
Til sölu Viðeyjarbiblía frá 1841, upplýsingar í síma 772-2990 eða á netfangið rz...
SUMARHÚS- GESTAHÚS- BREYTINGAR
Sumarhús - Gestahús - Breytingar ? Framleiðum stórglæsileg sumarhús í ýmsum stær...
Húsgagnaviðgerðir og bólstrun
Ég tek að mér viðgerðir og bólstrun á gömlum og nýjum húsgögnum. Starfsemin fer ...
Tölvuþjónusta
Alhliða tölvuviðgerð, vírushreinsun, vírusvarnir, gagnabjörgun og verðtilboð. F...
 
Uppboð
Tilkynningar
UPPBOÐ Boðnir verða up...
Félagslíf
Staður og stund
Aflagrandi 40 Opin vinnustofa frá kl 9, ...
Aðalfundur
Fundir - mannfagnaðir
Félag sjálfstæðismanna í Skóga- o...
Eldri borgarar
Staður og stund
Aflagrandi 40 Opin vinnustofa kl. 9, for...