Tveir látnir í árás á ferðamannastað

Fyrir tveimur árum réðust vopnaðir menn á Radisson Blu-hótelið í ...
Fyrir tveimur árum réðust vopnaðir menn á Radisson Blu-hótelið í Bamako. Nú, eins og þá, beinist árásin að vestrænu ferðamönnum. AFP

Að minnsta kosti tveir eru eru látnir eftir að vopnaðir íslamistar réðust á vinsælan ferðamannastað í Afríkuríkinu Malí. Þeir tóku um 20 manns í gíslingu en þeim hefur nú verið sleppt. 

Árásarmennirnir eru sagðir hafa hrópað „Allahu Akbar“, eða „Guð er mestur“ áður en þeir létu til skarar skríða. Skotmarkið var ferðamannastaðurinn Kangaba Le Campement, sem er skammt frá höfuðborginni Bamako. Staðurinn er vinsæll meðal vestrænna ferðamanna. 

Svipuð árás átti sér stað fyrir tveimur árum, en þá réðust vopnaðir menn á glæsihótel í Bamako.

Öryggissveitarmenn börðust við árásarmennina á staðnum og íbúar í nágrenninu heyrðu marga skothvelli auk þess sem reykur steig til himins. Eldur logaði í að minnsta kosti einni byggingu. 

Salif Traore, ráðherra öryggismála í landinu, segir að vopnaðir íslamistar beri ábyrgð á ódæðinu. Hann segir enn fremur að öryggissveitarmenn hafi verið sendir á vettvang og búið sé að leysa 20 gísla úr haldi.

Öryggissveitarmennirnir nutu stuðnings friðargæsluliða Sameinuðu þjóðanna og franskra sérsveitarmanna í landinu. Búið er að girða svæðið af en aðgerðir standa enn yfir. 

mbl.is
Chesterfield sófi.
Til sölu þessi gullfallegi Chesterfield leðursófi. Til sýnis í versluninni Notað...
HYUNDAI ix35, 2010
Nýskr. 12/2010, ekinn 99 þ.km, bensín, sjálfsk. 6 gíra, 4x4, góð heilsársdekk, s...
KRISTALS LJÓSAKRÓNUR Útsala er að byrja
Glæsilegar kristalsljósakrónur í falleg heimili. Handskornar kristalsljósakrónu...
Síðumúli - Gott skrifstofuherbergi
Gott skrifstofuherbergi til leigu í Síðumúla. Stærð um 20 m2. Sameiginlegur elhú...
 
Skipulag
Tilkynningar
Rangárþing ytra Auglýsing um skipulags...
Framhalds uppboð
Nauðungarsala
Uppboð Einnig birt á www.naudungarsolu...
Breyting á deiliskipulagi í flatey
Leikskólakennsla
Breyting á deiliskipulagi í Flat...
Útkeyrsla - lagermaður
Lager/útkeyrsla
Útkeyrsla/ Lagermaður óskast E...