Að minnsta kosti 54 létust og að minnsta kosti 75 særðust í árás sem gerð var í mosku í Egyptalandi í morgun. Fréttir af árásinni eru enn mjög óljósar en yfirvöld hafa staðfest tölur um mannfall.
Menn vopnaðir byssum og sprengjum eru sagðir hafa ruðst inn í mosku í Sinai-héraði í morgun er hún var full af fólki við föstudagsbænir og sprengt sprengjuna. Árásin var gerð í nágrenni borgarinnar El-Arish.
Í frétt BBC er haft eftir lögreglunni að árásarmennirnir hafi komið á fjórum jeppum að moskunni og hafið skotárás á fólkið sem þar var inni. Meðal þeirra sem voru að biðjast fyrir voru lögreglumenn og er jafnvel talið að þeir hafi verið skotmark árásarinnar.
Lögreglan á svæðinu hefur undanfarið þurft að berjast gegn uppgangi hryðjuverkahópa sem ítrekað hafa gert árásir á almenna borgara.
Fréttin verður uppfærð.