Fjármálaráðherra Spánar, Luis de Guindos, segir deiluna um sjálfstæði Katalóníu hafa kostað landið um milljarð evra, sem samsvara tæpum 150 milljörðum íslenskra króna. Þetta kom fram í viðtali við ráðherrann á spænskri útvarpsstöð, en BBC greinir frá.

Hann sagði kostnaðinn aðallega til kominn vegna þess hve hægt hefur á katalónskum efnahag síðan ólögmæt sjálfstæðisyfirlýsing héraðsins var gefin út þann 1. október síðastliðinn.

Í kosningum síðasta mánaðar lögðu yfirvöld í Madríd hvað helst áherslu á þann efnahagslega skaða sem hlytist af sjálfstæði Katalóníu, en þetta er hæsti áætlaði kostnaður deilnanna til þessa.

Frétt af mbl.is

Sjálfstæðissinnar fagna sigri

De Guindos sagði hagvöxt í Katalóníu hafa minnkað úr 0,9% í 0,4% á síðasta fjórðungi ársins, og að hagvöxtur í Katalóníu sé venjulega hærri en hagvöxtur landsins í heild. Katalónía héldi efnahagi Spánar á floti en á síðasta ársfjórðungi hefði héraðið orðið landinu byrði.

Tengdar fréttir

Sjálfstæð Katalónía?

Puigdemont tekinn höndum

• Katalónskir aðskilnaðarsinnar hljóta uppreist æru
• Sjálfstæðissinnar með meirihluta
• Sjálfstæðissinnar taka sæti á Evrópuþinginu
• Stórsigur öfga-hægriflokks á Spáni

» Fleiri tengdar fréttir

• Blogga um frétt