Danski uppfinningamaðurinn Peter Madsen hefur verið ákærður fyrir að myrða sænska blaðamanninn Kim Wall. Madsen er ákærður fyrir að hafa orðið Wall að bana í ágúst á síðasta ári á meðan þau voru í ferð á kafbáti sem hann smíðaði.

Haft er eftir saksóknaranum Jakob Buch-Jepsen í frétt breska dagblaðsins London Evening Standard að Madsen hefði annað hvort skorið Wall á háls eða kyrkt hana að mati ákæruvaldsins. Sagði hann málið mjög sérstakt og gróft.

Madsen er einnig ákærður fyrir illa meðferð á líki og fyrir að losa sig við líkið af Wall. Madsen hefur sagt að Wall hafi látist af slysförum í kafbátnum. Áður hélt Madsen því fram að hann vissi ekki um Wall þar sem hann hefði sett hana í land.

Madsen hefur síðan einnig viðurkennt að hafa varpað líki Wall í hafið en líkamspartar hennar hafa síðan fundist í sjónum og er talið að Madsen hafi hlutað lík hennar í sundur. Réttarhöldin í málinu hefjast 8. mars og er búist við niðurstöðu 25. apríl.

Tengdar fréttir

Sænska blaðakonan Kim Wall myrt

Peter Madsen hlaut 21 mánaðar dóm

• Danir herða öryggisgæslu í fangelsum
• Peter Madsen reyndi að flýja
• Ný þáttaröð um kafbátamálið sem skók allan heiminn
• Segir Madsen góða fyrirmynd

» Fleiri tengdar fréttir

• Blogga um frétt