Öryggisráð Sameinuðu þjóðanna mun halda fund fyrir luktum dyrum í dag til að ræða atburði dagsins á Gaza, en þar sló í brýnu á milli palestínskra mótmælenda og ísraelskra hermanna með þeim afleiðingum að minnst 15 Palestínumenn féllu. 

Þetta eru verstu átök sem hafa brotist út frá stríðsátökunum 2014. 

Frétt af mbl.is

Hörð átök við ísraelsku landamærin

Yfirvöld í Kúveit óskuðu eftir því að fundurinn yrði haldinn, og mun hann fara fram kl. 18:30 að staðartíma í New York í dag (kl. 22:30 að íslenskum tíma). Um er að ræða óformlegar viðræður þar sem ríkin sem eiga sæti í öryggisráðinu muni fara yfir stöðu mála á Gaza almennt í Mið-Austurlöndum. 

Átök brutust út í dag er tugþúsndir íbúa á Gaza gengu að landamærunum að Ísrael til að mótmæla. Fimmtán Palestínumenn létust og mörg hundruð særðust. 

Ísraelsher skaut m.a. táragasi á fólkið til að dreifa fjöldanum. AFP

Tengdar fréttir

Ísrael/Palestína

Hernaðaraðstoð samþykkt – Vopnasendingar í vikunni

• Gerðu drónaárásir á ísraelskar herstöðvar
• Áköf mótmæli í bandarískum háskólum
• Björguðu barni úr móðurkviði eftir loftárás
• Engar sannanir sem bendla UNRWA við árásina

» Fleiri tengdar fréttir

• Blogga um frétt