„Hefði ekki dáið ef hann væri hvítur“

AFP

Hundruð manns mótmæltu á götum Brooklyn í New York borg í gærkvöldi eftir að lögregla skaut til bana þeldökkan karlmann sem glímdi við geðrænan vanda. Fólkið mótmælti lögregluofbeldi í garð þeldökkra og gengið var frá staðnum þar sem maðurinn, Saheed Vassel, var skotinn og að lögreglustöðinni í hverfinu. BBC greinir frá.

Lög­regl­an fékk þrjár tilkynningar um að Vassel væri með byssu en í ljós kom að hann var með járn­stöng. Fimm lögreglumenn voru kvaddir á vettvang.

Fram kom á blaðamanna­fund­i lögreglu í kjölfarið að maður­inn hefði tekið sér skot­stöðu gegnt lög­reglu­mönn­un­um og beint hlut sem hann hélt á að þeim. Fjór­ir lög­reglu­mann­anna hófu skot­hríð og skutu sam­tals tíu skot­um.

AFP

„Hann hefði ekki dáið ef hann væri hvítur,“ sagði Nora Ford, frækna Vassel eftir fundinn. Aðstandendur segja að lögregla hafi aldrei sagt Vassel að leggja meint vopn frá sér. „Ef lögregla sá að hann var með eitthvað í hendinni, þá hefði hún átt að segja honum að sleppa því að lyfta upp höndum,“ sagði móðir hans, Lorna Vassel.

Þá hafa vitni sagt að lögreglumenn hafi nánast strax hafið skothríð um leið og þeir komu út úr lögreglubílnum. „Þeir sögðu honum ekki að stoppa, lyfta höndum upp í loft eða neitt. Þeir byrjuðu bara strax skjóta,“ sagði eitt vitni.

AFP

Faðir Vassel sagði í samtali við New York Times að sonur hans hefði glímt við geðsjúkdóm og ítrekað verið lagður inn á sjúkrahús vegna veikinda sinna. Hann hefði áður komist í kast við lögin og að lögregla hefði átt að vita að hann væri veikur.

Þingmaðurinn Jesse Hamilton hefur krafist þess að málið verið rannsakað í þaula. „Við erum reið. Það eru alltof margir ungir menn sem deyja hér á götum borgarinnar,“ sagði Hamilton þegar hann ávarpaði mótmælendur í gær. „Að glíma við geðsjúkdóm er erfitt, en það ætti ekki að vera dauðadómur,“ sagði hann jafnframt.

mbl.is
Infrarauður Saunaklefi -Tilboð 299.000 ef greitt er inn á 30.000 í sept( kemur eftir cirka 4-5 vikur ) annars 3290.000
Er á leiðinni færð á Tilboði 299.000 ef greitt er inn á 30.000 í sept( kemur eft...
HARÐVIÐUR TIL HÚSBYGGINGA
Harðviður til húsabygginga Sjá nánar á www.vidur.is Vatnsklæðning, panill, palla...
Nudd Nudd Nudd
Relaxing massage downtown Reykjavik. S. 6947881 xxx...
Róleg, reglusöm, reyklaus kona óskar ef
Róleg, reglusöm, reyklaus kona óskar eftir lítilli íbúð á leigu á höfuðborgarsvæ...