Drap tvífara sinn og er á flótta

Ann Riess er grunuð um að hafa banað tvífara sínum ...
Ann Riess er grunuð um að hafa banað tvífara sínum í þeim tilgangi að stela persónu hennar og nýta í eigin þágu. Ljósmynd/Twitter

Lögreglan í Flórída leitar að konu sem er grunuð um að hafa orðið eiginmanni sínum að bana ásamt konu sem líkist henni sjálfri. Konan er grunuð um að hafa banað konunni í þeim tilgangi að stela persónu hennar og nýta í eigin þágu.

Í frétt BBC kemur fram að Ann Riess, hin grunaða, sást tala við fórnarlamb sitt, Pamelu Hutchinson, nokkrum dögum áður en hún skaut hana til bana. Grunur leikur á að Riess hafi flúið til borgarinnar Corpus Christi í Texas.

Aðstoðarlögreglustjórinn í Lee-sýslu í Flórída segir að talið sé að Riess sé vopnuð og hættuleg og gæti framið morð á ný þegar hana vanti peninga. „Hún brosir og lítur út eins og hver önnur mamma eða amma,“ sagði hann í samtali við NBC-fréttastofuna. Sjálf á hún þrjú börn og eitt barnabarn.

Talið er að Riess hafi vingast við Hutchinson til að nýta sér hversu líkar þær eru. Nokkrum dögum síðar á hún að hafa látið til skarar skríða og drepið hana. Hutchinson fannst látin fyrir viku og voru bíll hennar, skilríki og veski hvergi sjáanleg.

Riess var í felum í Flórída en hún er grunuð um að hafa skotið eiginmann sinn til bana fyrir mánuði. Lögreglan í Minnesota hefur leitað að henni síðan í mars.

mbl.is
Ertu komin í saumaskap ?
Nýjar og notaðar saumavélar í úrvali. Nýjar vélar með 3 ára ábyrgð. Notaðar véla...
Vatnsafls túrbínur alla gerðir í boði
Getum útvegað allar gerðir af túrbínusettum, fáðu tilboð Er ekki kominn tími t...
UNDIR ÞESSU MERKI SIGRAR ÞÚ
Hálsmen úr silfri 6.900 kr., gulli 49.500 kr., (silfur m. demanti 11.500 kr., g...
Trúlofunar- og giftingarhringar í úrvali
Auk gullhringa eigum við m.a. titaniumpör á fínu verði. Sérsmíði, framleiðsla og...