Vill að Bandaríkjaher yfirgefi landið

Bashar al-Assad forseti Sýrlands. Mynd úr safni.
Bashar al-Assad forseti Sýrlands. Mynd úr safni. AFP

Forseti Sýrlands, Bashar al-Assad, segir að litlu hefði munað að til beinna átaka milli Bandaríkjanna og Rússa í Sýrlandi nýverið. Þetta kemur fram í viðtali við forsetann í rússneskum sjónvarpsþætti í dag.

Assad er í viðtali við Russia Today og þar sagði hann að hann myndi ná aftur svæðum sem eru undir yfirráðum Sýrlensku lýðræðissveitanna – SDF, en þær eru aðallega skipaðar Kúrdum og njóta stuðnings Bandaríkjanna. Hann segir að Bandaríkjaher ætti að hafa lært af reynslunni í Írak og koma sér úr landi.

Að sögn Assad er ríkisstjórnin að undirbúa viðræður við SDF sem ráða yfir svæðum í Norður- og Austur-Sýrlandi þar sem Bandaríkjaher er með starfsstöðvar. 

Þegar Assad var spurður út í ummæli Donald Trump, forseta Bandaríkjanna, sem líkir Assad við skepnu (Animal Assad) sagði forseti Sýrlands að það sem þú segir er það sem þú ert sjálfur.

mbl.is

Bloggað um fréttina