Hersveitir stjórnvalda í Jemen sem njóta stuðnings Sádí-Arabíu hafa hafið árás á hafnarborgina Hudaydah, sem er undir stjórn uppreisnarmanna.

Neyðaraðstoð vegna borgarastríðsins í Jemen hefur að mestu leyti borist í gegnum borgina. Varað hefur verið við miklum harmleik ef ráðist yrði á hana.

Næstum sjö milljónir manna í hinu stríðshrjáða landi reiða sig á neyðaraðstoð.

Sprengjum var varpað eftir að uppreisnarmenn húta, sem eru studdir af Íran, hunsuðu lokafrest sem stjórnvöld settu um að draga sig til baka á miðnætti, samkvæmt frétt BBC.

Fréttamiðlillinn Al-Arabiya frá Sádí-Arabíu sagði að „frelsun“ Hudaydah væri hafin með árásunum.

Tengdar fréttir

Jemen

Gerðu enn aðra loftárás á Jemen

• Íranar fordæma árásina en lofa ekki hefndum
• Skutu niður eldflaugina á síðustu stundu
• Náðu að afstýra stórslysi
• Kaupskip hæft með eldflaug

» Fleiri tengdar fréttir

• Blogga um frétt