Til að kveða niður orðróm um að drengjunum sem innlyksa urðu í hellinum hefi verið gefin sterk lyf, jafnvel deyfilyf, fyrir förina út hefur forsætisráðherra Taílands upplýst að þeim voru gefin kvíðastillandi lyf.
„Hver í andskotanum myndi gefa börnum [deyfilyf]?“ sagði forsætisráðherrann Prayut Chan-o-chau að því er fram kemur í frétt breska blaðsins Guardian. Hann sagði að hins vegar hefðu drengirnir fengið kvíðastillandi lyf til að minnka líkur á því að þeir myndu fá ofsakvíðakast á hinni löngu og ströngu leið út úr hellinum í fylgd kafaranna.
Núna er búið að bjarga öllum drengjunum út úr hellinum. Einnig hefur fótboltaþjálfaranum verið bjargað. Fjórir kafarar eru enn inni í hellinum.
Thai PM says the boys have been given anti-anxiety medication for the journey out the cave - the same medication he takes to help him relax when he shoots guns. https://t.co/97o7Sk3Omd
— Jacob Goldberg (@yayqe) July 10, 2018