Fimm saknað eftir árekstur

Fimm bandarískra hermanna er saknað og er þeirra leitað við strönd Japans, samkvæmt upplýsingum frá varnarmálaráðuneyti Japans. Tvær herflugvélar brotlentu eftir árekstur þeirra við eldsneytisáfyllingu seint í gærkvöldi.

Frétt af mbl.is

Tvær bandarískar herflugvélar hröpuðu

Alls voru sjö um borð í flugvélunum tveimur og hafa tveir þegar verið fluttir á sjúkrahús. Upplýst hefur verið um að ástand annars þeirra sé stöðugt en ekki er vitað um líðan þess sem verið var að flytja á sjúkrahús með þyrlu. 

Bæði Bandaríkjaher og japanski herinn eru að leita bæði úr lofti og á sjó. Vonast er til þess að þeir finnist allir á lífi.

Um reglubundið æfingaflug var að ræða þegar slysið varð. Tveir voru um borð í F/A-18-orrustuþotunni en fimm voru um borð í KC-130-eldsneytisflutningavélinni þegar slysið varð í um 100 km fjarlægð frá Muroto-höfða. Þeir sem hefur verið bjargað voru báðir um borð í orrustuþotunni. 

• Blogga um frétt