Öflugur jarðskjálfti í Ekvador

Öflugur jarðskjálfti, 7,5 að stærð, reið yfir Ekvador í morgun. Samkvæmt upplýsingum frá Jarðvísindastofnun Bandaríkjanna voru upptök skjálftans um 17 kílómetra frá bænum Montalvo í austurhluta landsins, skammt frá landamærum Perú. 

Upptök skjálftans voru á 132 kílómetra dýpi, sem er óvenjudjúpt fyrir jarðskjálfta í Suður-Ameríku, en þeir eiga að öllu jafna upptök sín á um 70 kílómetra dýpi. Tveir eftirskjálftar hafa mælst, annars um 6 að stærð. 

„Okkur hafa ekki borist tilkynningar um manntjón, bara brotnar rúður,“ segir Tarcisio Ojeda, borgarstjóri Macas, þar sem skjálftinn fannst vel. 

Flóðbylgjuviðvörun hefur ekki verið gefið út í kjölfar skjálftanna. 

• Blogga um frétt