Átök harðna á Gaza

Sjö særðust þegar flugskeyti var skotið frá Gaza í nótt, ...
Sjö særðust þegar flugskeyti var skotið frá Gaza í nótt, en flugskeytið lenti á húsi í bænum Mishmeret, um 20 kílómetra norðan við Tel Aviv. AFP

Tíu flugskeytum var skotið frá Gazasvæðinu í átt að Ísrael í kvöld. Árásin var svar við árás Ísraelshers síðdegis, en sú árás var gerð í hefndarskyni við eldflaugaárásir frá Gaza á bæ í Ísrael síðustu nótt. Búist er við að átök harðni á Gaza á næstunni, ekki síst í ljósi yfirlýsingar Donalds Trump Bandaríkjaforseta síðdegis þess efnis að Gólanhæðir tilheyri Ísrael.

Sjö særðust þegar flugskeyti var skotið frá Gaza í nótt, en flugskeytið lenti á húsi í bænum Mishmeret, um 20 kílómetra norðan við Tel Aviv. Þrjú hinna særðu eru börn. Ísraelsher svaraði með að minnsta kosti tveimur sprengjuárásum.

Benjamin Netanyahu, forsætisráðherra Ísraels, er staddur í Washington D.C. en hyggst stytta dvöl sína vegna árásanna.

mbl.is
Húsaviðgerðir
https://www.husco.is/...
Kolaportið alltaf gott veður!
Góða veðrið og góða skapið er í KOLAPORTINU!...
Einstakt vortilboð - 14,44 fm Garðhús - kr. 375.900,-
Naust er bjálkahús úr 34mm bjálka með tvöfaldri nót. Húsið er 3,8m x 3,8m og er...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...