Fórnarlömbin í Utrecht orðin fjögur
74 ára karlmaður lést í dag af sárum sínum sem hann hlaut í skotárás í hollensku borginni Utrecht fyrir tíu dögum. Alls létu fjórir lífið í árásinni og fjórir særðust.
AFP
Setja bókamerki
Fórnarlömb skotárásar í sporvagni í hollensku borginni Utrecht 18. mars síðastliðinn eru orðin fjögur. 74 ára karlmaður sem særðist í árásinni lést af sárum sínum í dag. Þetta kemur fram í tilkynningu frá saksóknara í Hollandi.
Alls létust fjórir í árásinni og fjórir særðust. Einn hinna særðu liggur enn þungt haldinn sjúkrahúsi.
Gökmen Tanis, 37 ára karlmaður sem fæddist í Tyrklandi, hefur játað á sig skotárásina og segist hann hafa verið einn að verki.
Tanis hafði nýlega verið látinn laus úr varðhaldi sem hann hafði verið úrskurðaður í í tengslum við nauðgunarmál. Var hann látinn laus eftir að hafa lofað að sýna yfirvöldum samstarfsvilja.
Skiptir miklu meira máli en fólk grunar
Telur forsendur fyrir vaxtalækkun
Krefjast stöðvunar framkvæmda
Tveir í bílnum sem lenti utan vegar
„Umsátursástand“
Skar höfuðleðrið af íslenskri konu
Shakespeare fannst í skókassa